O CD Lugo e Fran Mérida chegaron a un acordo para a incorporación deste último como novo xogador do primeiro equipo da entidade.
Fran Mérida (4-3-90, Barcelona) desempéñase como mediocentro ofensivo e interior, e atesoura unha gran experiencia no fútbol ao máis alto nivel. Campión da Supercopa de Europa, e con dous ascensos a Primeira División ás súas costas, a súa traxectoria inclúe equipos como FC Barcelona, Arsenal, Real Sociedade, Atlético de Madrid, SC Braga, SD Huesca, CA Osasuna, ou RCD Espanyol, entre outros.
Unha incorporación de calidade, cun dos xogadores máis brillantes a nivel internacional da súa xeración, que chega ao CD Lugo para achegar oficio, talento e traballo ao equipo albivermello.
Mérida asina por esta tempada e outra máis.
Ademais, co CD Eldense chegou a outro acordo para a cesión de Mario da Costa ata final de tempada.
Da Costa (14-4-01, Málaga) desempéñase principalmente como extremo esquerdo, e chega a Lugo tras etapas en clubs como Málaga CF, Selecta CF, ou Atlético de Madrid, entre outros. Mocidade, velocidade e verticalidade para un xogador que suma un novo perfil para o ataque amurallado.
Así mesmo, chegou a un acordo co Rácing Club Vilalbés a cesión do xogador Carlos Torrado ao club verdivermello ata final de tempada.
