Este sábado o BNG da zona sur de Lugo organizou unha concentración na estación do BNG Monforte, en simultáneo na de Sants de Barcelona, para reclamar a reposición dos trens nocturnos que conectan Galicia con Cataluña e que se suprimiron na pandemia.
Trátase dun servizo que a formación política considera esencial para as comunicacións, non só do noso país senón de toda a meseta. Neste sentido, o BNG de Monforte presentará no seguinte pleno unha moción para recuperar as liñas de tren suprimidas.
A mobilización tivo lugar despois da recollida de case 300 sinaturas en favor do tren que vai da Coruña e Vigo e pasaba por Monforte para chegar a Barcelona. Entre os participantes que asinaron atopáronse o portavoz do BNG en Quiroga, Xosé Manuel Fernández; o portavoz nacionalista en Monforte, Emilio Sánchez; o candidato nº 5 na lista do BNG por Lugo ás eleccións autonómicas, Iago Suárez; o concelleiro Manuel Luaces e a responsable comarcal do BNG, Rosana Prieto.
