Carlos Núñez Temes, profesor da Escola Politécnica Superior de Enxeñería do Campus Terra, impartiu unha charla sobre terremotos para o alumnado de 4ª ESO e de 2º de BAC do IES Xograr Afonso Gómez de Sarria.
Durante esta iniciativa, enmarcada no programa Ponte entre o ensino medio e a USC e no Club de Ciencia do IES, o alumnado descubriu aspectos sobre os movementos sísmicos e os motivos polos que os terremotos se producen en Galicia.
O ponente explicou a frecuencia con que se producen, a súa magnitude e a intensidade con que se senten, e rematou comentando algunhas cuestóns sinxelas sobre o deseño de estruturas en zonas sísmicas.