O domingo 25 de febreiro, Ramona Cortiñas López, celebrou o seu 101 aniversario rodeada da familia na súa casa do Pereiro, Alfoz.
Con motivo desta celebración, acercáronse ao seu domicilio a alcaldesa, Efigenia Maseda, acompañada polo concelleiro de Educación, Igualdade e Participación, Eliseo Lorenzo, como representantes do Concello, para agasallala cunha cesta de diferentes produtos e plantas.
A alcaldesa afirma que “dá gusto felicitar a unha veciña con tanta experiencia na vida e vela rodeada da súa familia”.
