Mariña Gueimunde, portavoz do Grupo Municipal Partido Popular de Viveiro, vén de realizar un rogo ao Concello de Viveiro sobre os parques infantís do municipio.
“As familias de Covas trasládannos a súa preocupación polo estado de abandono que sofre o parque infantil na zona de Parquemar”, di, “os xogos están sucios e deteriorados, o pavimento dos xogos infantís terriblemente danado en diferentes puntos, as madeiras podrecidas e as lousas rotas, o que dificulta o paso aos carriños dos bebés e aos pais e avós que acompañan aos nenos e nenas do lugar”, engade. “Os nenos perden a estabilidade e os pequenos accidentes con cortes e feridas suceden a diario comenta un dos pais”.
As Nogueiras son unha paraxe natural que forma parte do patrimonio ambiental e turístico do concello. Un espazo aberto, tranquilo e agradable ao que se accede a través dunha frondosa avenida de arboleda e unha estreita pista que permite con dificultade o paso de dous vehículos que circulen en sentido contrario.
Desde hai un tempo os veciños e veciñas do barrio de Pénjamo así como os da propia contorna, son testemuñas do estado de abandono do lugar ao sentir que “o Concello converteuno nunha entulleira que embaza a paisaxe con pilas de ramas, árbores e restos orgánicos diseminados pola zona que impiden o tránsito e embazan a beleza da paraxe. E a pista de acceso sofre unha deterioración importante no firme”, di.