A Deputación de Lugo activa o programa Xunt@s, con actividades gratuítas, de lecer e formación para contribuír ao envellecemento activo no rural a través do impulso da participación cidadá e o asociacionismo.
A primeira actividade que terá lugar en Castroverde será este xoves a partir das 11.00 horas. No concello vello organizarase unha xornada gratuíta sobre nutrición e hábitos saudables. Non é preciso inscribirse previamente.
