Os organizadores do Festival do Outono, o Castañazo na súa edición 2024, veñen de presentar o novo cartel da man do artista JonGo Art, que creou a imaxe deste tradicional festival de rock.
Ademais, xa anunciaron as datas nas que se desenvolverá de novo esta mestura de música de rock, sendo os vindeiros 1 e 2 de novembro, polo que animan a todos a reservar esta data e ter “unha escusa para vir o Corazón de Galicia”.
Así, sosteñen que xa teñen “toda a maquinaria a funcionar para traer unha nova edición que de seguro virá chea de emocións e diversión”, aínda que non adiantaron ningún grupo participante, polo momento.
