O Entroido de Pantón acolleu a máis de 1.200 persoas que se achegaron para desfutar do desfile de disfraces e da entrega de premios e chocolatada para todos os asistentes. Concretamente, foron premiadas as comparsas que acudiron con disfraces máis orixinais, tanto por parte dos adultos como dos nenos.
Así, no caso dos adultos, no grupo de comparsas de 10 ou máis componentes foron premiadas as comparsas Terra verde sen Plástico, Os espantallos de Torre e Lorairo; no grupo de 5 a 9 compoñentes acadaron o premio A panteira de Pantón, Open Ribeira Sacra e As donas da fervenza; por último, no grupo de 1 a 4 compoñentes, os elixidos foron Macario e Roque, As donas das follas douradas e Os títeres infantís.
Pola súa parte, nas comparsas infantís foron premiadas, no grupo de 10 ou máis componentes Astérix e Obélix perdidos en Exipto, Os Papagándaros e Mama Mía, vaia tolería; no de 5 a 9 compoñentes As fregoas de Pantón, O Mario Bross conquista a Ribeira Sacra e Os Vikingos de Escairón; e no grupo de 1 a 4 compoñentes Astronauta chegando a Pantón, Novia a la fuga e O Tren dos paiasos.
