En vista das previsións meteorolóxicas a organización do Quiroga Trail Challenge 2024 estivo buscando alternativas máis seguras para corredores e voluntarios.
Igualmente acordaron esixir material obrigatorio máis acorde ás novas condicións climatolóxicas, sempre pensando na seguridade dos participantes.
Na madrugada deste pasado sábado 24 de febreiro arrincaron ambas as probas á hora prevista, con voluntarios apertura asegurando o correcto balizaxe dos percorridos. Ao mesmo tempo, dous expertos corredores de alta montaña comprobaron a viabilidade das zonas máis altas e comunicaron ao director da proba o estado e cota da neve caída.
Ante esta nova situación, a organización decidiu de inmediato neutralizar parte dos percorridos de ambas as distancias e desvialos cara ao percorrido da maratón para evitar as zonas máis altas e perigosas, posto que o acceso en vehículo resultaba igualmente complicado.
O resto das distancias: maratón, trail, minitrail e andaina transcorreron sen alteracións. Este domingo 25 de febreiro espérase a segunda xornada do evento polos territorios do Lor, co trail e o minitrail.
Así os podios foron, na ultra de 90 kms, o podio masculino foi para Miguel Portal Losada, do Club 21 Leguas Narón, en primeiro posto; o segundo caixón foi para José Manuel Gil Bernárdez, do AC Castelos Trail Club; e, o terceiro posto completouno Victor Maneiro Freire, do Club de Montaña Vértice.
O podio feminino formárono nesta orde, Vanessa Pérez Castelao, de Terras de Burón; Loreto Rodríguez Martínez, do Atletismo Baiona; e Lea Doppelbauer, como Independente.
Na ultra de 70 completaron a clasificación masculina Pablo Villa González (Adidas Terrex), Pablo Vecino Rey (Tribo Trail) e José Santiago Villar (Vos Corzos do Ortegal). En mulleres compartiron caixón Cristina Rodríguez Villar (Running Sport Trail), Belén Rodríguez #Vidal (Spain Smiles Team) e Eugenia Gil Ballester (Chotacabras).
O podio masculino da maratón para Roberto García González (Tribo Trail), Anxo Cid Corbillón (Independente) e Marcos Antonio Pascual Fidalgo (Castro- Trail) . Ao podio feminino subíronse Angels LLobera (INOV8), Patricia Noya (Tribo Trail) e Susana Fernández López (Wolves Born to Run).
A clasificación do trail masculino foi para Miguel Vázquez Grela (Traileros Toxos & Birras), Marcos Naya Badallo ((Traileros Toxos & Birras), Alexandre Otero Iglesias (CDM Vértice). As tres mulleres clasificadas foron: Anna Mengual Ripoll(CD Senen Challenge), Uxía Fernández García (Condado Trail) e Isabel Reimúndez Suárez (Club Atletismo Sada).
Por último, o podio masculino do Minitrail formárono Eloy Martínez Faro (AC Castelos Trail Club, Promesa), Iñaki González Arias (Amurrio Trail) e Eduardo Saavedra Lagares (A.D. Náutico de Narón). O caixón feminino compartírono Rosa Maria Araujo Losada (Running Sport Trail), Elena Rosell Aragón (Metas Imposibles Trail Team) e Alejandra Seoane Rial ((Traileros Toxos & Birras).
