Os veciños de Trascastro, no Incio, veñen de cumprir un ano de actividade co seu club de lectura ‘Os Alfabetos’ tras xuntarse case todos os meses para compartir un tempo conxunto e falar sobre os libros que tiveron que ler.
Así, desde a asociación din estar “moi felices por ter cumprido un ano do club” e destacan a actividade que fixeron para celebrar este aniversario, xa que estiveron acompañados pola escritora galega Eva Mejuto, que trouxo o seu libro ‘Memoria do silencio’. “Foi moi fermoso compartir unha comida e a reunión con ela”.
Desde o club animan a todas as persoas interesadas en participar, xa que está dirixido a todos os que sentan a necesidade de xuntarse e compartir inquedanzas con respecto á lectura de adultos.
