Máis de 400 xogadores de toda España participarán esta fin de semana en Lugo no II Campionato Nacional de Mus por equipos. Trátase da segunda edición deste torneo que reunirá a 34 equipos procedentes de diversas provincias como Asturias, Segovia, Madrid, Ourense, A Coruña, Lugo, Pontevedra, León, Navarra, Biscaia, Álava e Cantabria.
A cidade convértese durante tres días no epicentro do mus nacional, acollendo un campionato que reunirá a un importante número de afeccionados e xogadores deste tradicional xogo de cartas. A rexedora, Paula Alvarellos, quixo agradecer aos organizadores por Lugo para albergar a segunda edición do, “que de seguro superará o éxito da primeira, consolidando este campionato como unha cita ineludible para os afeccionados a este xogo”.
O evento supón unha boa repercusión económica especialmente para o sector da hostalería: bares, restaurantes, hoteis, e o comercio, así como do transporte de pasaxeiros. A competición, organizada pola Federación Española de Asociacións de Mus, comezou este venres, a partir das 20.00 horas, no Hotel Mendez Nuñez e prolongarase ata o domingo. Desenvolverase baixo un sistema de 3 ceros, proporcionando unha emocionante dinámica de xogo que garante intensas xornadas de Mus. Os equipos que queden eliminados terán a oportunidade de seguir competindo nunha fase de parellas ao KO, asegurando así que o espírito competitivo se manteña vivo durante toda a fin de semana.
“Este evento non é só unha competición; é unha celebración do Mus, un deporte que combina estratexia, psicoloxía e, por suposto, un bo ambiente entre os participantes”, explicaron os representantes da organización. O campionato en Lugo ten un valor engadido este ano, xa que entre os premios para outorgar inclúense prazas para o Campionato de España de Mus que se celebrará en Ponferrada en setembro deste ano.