A XXXVI Feira do queixo do Cebreiro terá lugar o vindeiro venres 29 de marzo para exaltar este queixo fresco, con Denominación de Orixe Protexida, considerado un dos máis exquisitos do país, e elaborada con leite pasteurizado, sen conservantes nin produtos medicamentosos, que o converte nun delicioso manxar.
Durante a feira, que comezará a partir das 09.30 horas, as queixerías acollidas ao Consello Regulador, poñerán á venda os seus deliciosos queixos a prezos populares.
Os asistentes poderán adquirir outros produtos elaborados de forma artesá, como mel, viño, pan, artigos de coiro, …, gozar a partir das 11.00 horas co pasacalles da charanga Louband e ás 12.00 horas deleitarse con baile rexional da Asociación Cultural Abrente das Nogais.
Este ano o pregón, acto que terá lugar ás 13.00 horas, estará a cargo do CPI Uxío Novoneira.
