Os comerciantes da feira de Sarria, despois de facer unha recollida de firmas entre os vendedores do mercado, presentaron un escrito no Concello reclamando a modificación da ordenanza.
Así, consideran que a taxa de cobrarlles segundo o metro cadrado é abusiva e piden que se cobre polo metro lineal, como estaba establecido ata o de agora.
Os comerciantes di que é inasumible pagar en función do metro cadrado porque segundo din, “non existe en ningunha feira de España”, polo que aseguran que non o van aceptar. E sosteñen que, de ser así, acabarase coa feira.
No escrito, recóllese a opinión dos comerciantes, que acusan ao Goberno local de querer acabar coa feira de forma encuberta e reclaman que a petición sexa tratada no pleno.
Pola súa parte, desde o Goberno lembran que Tesourería e Intervención advertiron de que na ordenanza aprobada en 2002 e que estivo vixente ata agora había un erro de transcrición e tívose que corrixir.
