Quince locais hostaleiros de Foz ofrecerán do 5 ao 7 de abril unha Finde de chícaros e mexillóns. A campaña está organizada por Acia Foz CCA.
O presidente de Acia Foz CCA, José Carlos Paleo, explica que “deste xeito rendemos homenaxe á XXII Festa do Berberecho, que se celebra este sábado en Foz. O que propón a hostalería e unha fin de semana para degustar chícaros e mexillóns en diferentes preparacións. Será desde o venres e ata o domingo”.
Os establecementos hostaleiros participantes son: A Rambla-Pachán, A Viela, As Brasas, Augas Santas, Bar 78, Cafetería Anduriña, Casa Damián, Dandy Restaurante, Los Dulces de Delphine, Mexideli, O Muelle Bar, O Tangarte, Pizzería Xoiña, Portochico e Restaurante Xoiña.
Paleo anima a achegarse a Foz: “a desfrutar de todas as propostas gastronómicas que atoparán na nosa vila, a pasear polas nosas rúas e a mercar no comercio local. Temos toda unha fin de semana por diante”.
