O Concello de Viveiro anuncia as obras premiadas no concurso de fotografía amateur Traballos e mulleres e no concurso de debuxo escolar Mamá traballadora, convocados ambos con motivo da conmemoración do Día Internacional da Muller. Estes certames son impulsados anualmente pola Delegación Municipal de Muller e o Centro de Información ás Mulleres de Viveiro como parte das iniciativas realizadas arredor do 8 de marzo.
O acto de entrega dos premios de ambos concursos terá lugar o 13 de abril ás 12.30 horas na sala multiusos do Concello. A alcaldesa María Loureiro celebrou a ampla participación que houbo en ambos certames e a calidade das obras presentadas, que amosan o compromiso da veciñanza de Viveiro de todas as idades coa igualdade e cos dereitos das mulleres.
O primeiro premio do concurso de fotografía, dotado con 300 euros, foi para a fotografía Singer woman de Luis María Barrio Sáenz. O segundo, de 150 euros, foi para Recordos de Reyes Cerdá Mira e o terceiro, de 100 euros, para Trombonista de Viveiro percorrendo o mundo enteiro de María Simón Cundíns. O xurado estivo conformado por José María Álvez, Pepa Losada, Saúl Jiménez e Toño Goás.
Doutra banda, no concurso de debuxo escolar recibirán premio Aleixo Mariño Gómez de 3º de primaria do CEP Lois Tobío, Lara González Insua de 4º de primaria do CEIP de Celeiro, Xoel Canoura Escourido de 5º de primaria do CPR Landro e Carlota Oroza Díaz de 6º de primaria do CEP Lois Tobío. Neste caso Oliva Díaz Mejuto, Paula Díaz Mejuto, Ana María Abad López, Margarita Fernández Franco e María Covadonga Dopico Cachán conformaban o xurado.
