Altri, compañía que lidera o proxecto Gama en Palas de Rei para a produción de lyocell, unha fibra téxtil elaborada a partir de celulosa procedente de madeira de eucalipto, organizou unha visita ás plantas que posúe en Portugal: Biotek (Vila Velha de Rodao) e Celbi (Figueira dá Foz) para os alcaldes da comarca da Ulloa.
O obxectivo desta iniciativa, que se enmarca dentro da política de transparencia da compañía, era que puidesen coñecer en primeira persoa o funcionamento das fábricas, os seus niveis de esixencia ambiental e a súa integración na contorna no que están implantadas. Á visita, á que foron convidados os máximos responsables dos seis concellos, asistiron finalmente os alcaldes de Palas de Rei, Pablo Taboada, e Monterroso, Eloy Pérez, ademais do concelleiro de Antas de Ulla, José Manuel Quintá, que foron recibidos polo alcalde de Vila Velha de Rodao, concello onde se empraza a planta de Biotek.
Durante a primeira xornada, Vitor Lucas, director de Industrial de Biotek, e Sofía Jorge, responsable de Sustentabilidade e membro do Consello Executivo de Altri, explicáronlles a aposta de Altri pola procura da excelencia en innovación, que no caso de Biotek traduciuse nun investimento económico de máis de 130 millóns de euros no últimos seis anos, e pola posta en valor de todos os produtos que entran no proceso de fabricación, que lle levaron a utilizar a metade de auga nos procesos que outras empresas do sector e que convertiu a Altri na referencia mundial no uso de auga.
Pola súa banda, Carlos Van Zeller, Conselleiro Executivo de Altri, engadiu: “nos últimos 2 anos, Investimos en Biotek e Celbi 10 M€ para eliminar cheiros, o cal ten un retorno económico cero, pero facémolo por compromiso social coa contorna”.
Así mesmo, trasladoulles tamén que “o proxecto GAMA, un proxecto para 50 anos ou máis, é un proxecto de vida. Temos o máximo respecto polo medio ambiente, as nosas esixencias ambientais van moito máis alá do que esixe a normativa e levamos anos traballando nunha tecnoloxía que, ata a data, non se usa en ningunha outra planta. Na planta de Pas, faremos un investimento de 80 millóns para o tratamento da auga e devolverémola cunha calidade única no sector. Especialmente naquelas épocas nas que a auga do Ulla leva pouco osixeno devolverémola moito máis osixenada, o que resulta moi beneficioso para o río, tal e como facemos hoxe en Biotek, co Taxo. E iso é algo que non fai ninguén”.
A planta que Greenfiber deseñou para Palas de Rei é un proxecto baseado na economía circular, no que todo se optimiza: auga, residuos e enerxía. Trátase dunha planta de última xeración, en liña coas directrices da UE, que situará a Galicia na vangarda dunha nova industria baseada na sustentabilidade, a innovación e a mellora continua.
Cun investimento de máis de 850 millóns de euros, creará ao redor de 500 empregos directos nunha planta que funcionará as 24 horas para fabricar dous produtos finais a partir da madeira do eucalipto, ambos de base celulósica e, por conseguinte, biodegradables. Un deles serán as fibras solubles para aplicacións téxtiles, que se venderán soamente a industrias do sector téxtil e outro será o Lyocell, unha fibra téxtil que, do mesmo xeito que o algodón, está composta por case un 100 % de celulosa, que se producirá na mesma planta utilizando directamente o primeiro produto como materia prima. Para a elaboración de ambos os produtos utilizaranse 1,2 millóns de toneladas de madeira de eucalipto galega certificada que, na actualidade, comercialízase fóra de Galicia.
