O club de fútbol sala Os Meigallos de Sarria organiza a VII edición do seu Campus de Fútbol Sala, que se desenvolverá do 7 ao 13 de xullo.
Así, os rapaces de entre 6 e 18 anos poderán participar desta iniciativa deportiva á que xa se poden inscribir a través do correo campusmeigallos@gmail.com, das redes sociais do equipo ou nos teléfonos 630 432 756 ou 636 044 383 e ata o vindeiro 30 de xuño.
Entre os monitores que se atoparán no campus, están os xogadores de fútbol sala Álvaro Cerviño e Saúl González, que presentaron o cartel xunto co concelleiro de Deportes, Félix Seijas, e a presidenta do Meigallos, Violeta Díaz; a vicepresidenta, María José Calvo; e o tosoureiro, Luis Cerviño.
O campus consistirá en que os rapaces desenvolvan as súas capacidades físicas e técnica a través de adestramentos de fútbol sala nun campus de convivencia entre xogadores. Ademais, recibirán visitas de xogadores de fútbol sala masculino e femenino, como en anteriores edicións.
