A Plataforma Diversidade Funcional Infantil da Comarca de Sarria organiza unha charla coloquio este 20 de abril, sábado, a través do título ‘Inclusión escolar do alumnado con necesidades educativas especiais’.
A cita desenvolverase na Casa da Cultura de Sarria desde as 11.00 ás 13.30 horas de maneira gratuíta e estará dispoñible un espazo infantil ao lado do salón de actos, onde terá lugar a charla para aquelas persoas que veñan con nenas e nenos.
As persoas encargadas de guiar esta xornada son Esther Rodríguez, mestra de Pedagoxía Terapéutica e orientadora educativa; Andrea López, mestra; e Adrián Jacob Vázquez, psicopedagogo.
