Actualidade | Cultura

Paracetafolk, Artista Emerxente 2025, e Leilía, Premio Honorífico 2025; predominio feminino nas categorías e chamada de Músicas ao Vivo a fortalecer aos artistas galegos nun evento con máis de 500 proxectos inscritos e 5.000 votos do público.

Un Pazo da Cultura ateigado acolleu onte a entrega dos 12º Premios Martín Códax da Música, unha celebración da diversidade e do talento musical galego. Máis de 500 proxectos presentáronse á convocatoria e case 5.000 persoas votaron nas categorías públicas.

O acto, conducido por Lupe Blanco e Xisco Feijóo, comezou coas actuacións de Ailá e unha homenaxe á oralidade e á música tradicional. No tramo inicial foron premiados:

Metal e Heavy: Brutal

Canción de Autor/a: A Pedreira

Blues, Funk e Soul: Helena Egea

Electrónica: Rumia

No segundo bloque subiron ao escenario:

Rock e Punk: Os John Deeres

Músicas Urbanas: Nadie González

Música de Verbena: A Banda da Balbina

Clásica e Contemporánea: María Domínguez

Continuaron con:

Jazz e Improvisación: Orquestra Galega de Liberación

Pop e Indie: Sabela

Mundo e Mestizaxe: Fanfarria Taquikardia

Infantil: Brais das Hortas

E pecharon as categorías musicais:

Folk: De Ninghures

Tradicional: Faia

Bandas Popular: Banda de Música Municipal de Caldas de Reis

Na categoría Artista Emerxente, con finalistas Ash Diz e Ulex, os aplausos foron para Paracetafolk, banda da Costa da Morte que debuta con arranxos propios.

Os Organistrum recoñeceron os cómplices da escena ao vivo:

Sala: Sala Rebullón (Mos)

Festival: Festas do Barrio de San Pedro (Santiago)

Comunicación: Cuac FM (A Coruña)

A noite terminou coa emoción do Premio Honorífico a Leilía, agrupación pioneira de cantareiras, homenaxeada por Xoán Allegue (Bodegas Martín Códax) e a directiva de Músicas ao Vivo. No seu discurso, Músicas ao Vivo apelou a reforzar a contratación de artistas galegos e garantir o acceso á cultura sen barreiras, lembrando tamén a Emilio Cao e Piti Sanz, recentemente falecidos.