A Casa natal do Viejo Pancho acolle por primeira vez a presentación dun libro
![presentacion libro miscelanea mondonedo 1](https://galiciaxa.com/wp-content/uploads/2021/07/presentacion-libro-miscelanea-mondonedo-1.jpg)
A Asociación de veciños O Tesón promove o sábado 10, ás 20.00 horas, en Ribadeo, na Casa natal do Viejo Pancho, a presentación do libro Miscelánea da antiga provincia de Mondoñedo, de Xosé Isidro Fernández Villalba.
O libro conta cunha introdución de Félix Villares, o libro recolle ó longo das súas 262 páxinas diversos momentos da historia de séculos pasados en varios lugares da Mariña, entre eles, Ribadeo, de onde se pode especificar o tratamento dos anos da guerra civil ou o naufraxio, a comezos do século XIX, dunha lancha na ría co resultado de varias deceas de mortos.
No acto intervirán, a máis do autor, Pancho Campos, presidente de O Tesón, Fernando Suárez , alcalde de Ribadeo e Antonio Gregorio, secretario de O Tesón, destacando diversos puntos do libro, do autor e da edición.
Será a primeira vez que un libro sexa presentado na Casa natal do Viejo Pancho.
![presentacion libro miscelanea mondonedo](https://galiciaxa.com/wp-content/uploads/thumbs/2021/07/presentacion-libro-miscelanea-mondonedo-200x282.jpg)