Cultura | Axenda

A exposición A nai que nos pariu, dá testemuño da situación da muller no Senegal, as secuelas xinecolóxicas e a precariedade sanitaria

A exposición A nai que nos pariu, dá testemuño da situación da muller no Senegal, as secuelas xinecolóxicas que conleva a precariedade sanitaria e as secuelas psíquicas e físicas que carrexan prácticas tan aberrantes como a mutilación xenital feminina e do labor cotián da ONG na súa loita por reducir a mortaldade materna e neonatal frecuente no país.

Esta exposición conta con máis de 60 fotografías que queren despertar conciencias e devolver un sopro de esperanza a quen confían nun mundo máis xusto e solidario e son obra de Nacho Samper e Nacho Carballo.

A exposición pode visitarse no Forte San Damián de Ribadeo desde o día 4 ao 29 de agosto en horario de 12.00 a 14.00 horas e de 17.00 a 21.00 horas.