A voz dos alcaldes: Carmela López, alcaldesa de Burela
Explíquenos como se iniciou na política e como se vinculou ao seu partido.
Sempre tiven unha forte implicación en Burela a través das asociacións dende que son unha nena. Sempre entendín a política como unha ferramenta que axuda a mellorar a vida da xente e sempre me chamou e decidín dar un paso adiante cando se me propuxo. E ao PSOE porque comparto os seus valores de xustiza social, igualdade e defensa dos servizos públicos.
Como deu o salto para ser alcaldesa?
Foi un paso natural. Viña de ser concelleira e o anterior alcalde decidiu retirarse e propuxéronme para ser a alcaldable. Como tiña ganas e rodeeime dun equipo moi comprometido pois asumín a responsabilidade con moito respecto e ilusión.
A nivel persoal, que sacrificios supón formar parte do Goberno do Concello?
Supón menos tempo para familia e amizades, e incluso para unha mesma. Significa estar dispoñible as 24 horas. Pero vaga a pena.
E beneficios?
O maior é ver que o traballo consigue transformar Burela, melloras reais para os veciños. Creo que ir paseando e ver que un proxecto que tiñas na cabeza ou que costou moito sacalo adiante, se fixo realidade. Ou atopar a alguén que che de as grazas por solucionarlle o seu problema.
Cales son os seus obxectivos a nivel político?
Ser útil. Traballar con honestidade e escoitar moito. Que Burela siga avanzando.
E como Goberno de cara á próxima lexislatura?
Quero consolidar proxectos moi importantes, quero seguir mellorando os servizos públicos, atraer investimentos, quero traer empregos para que a xente vela a vivir, quero seguir facendo de Burela unha vila cómoda, accesible, atractiva, etc. Quero que os veciños estean igual de cómodos nas rúas, nas prazas e nos espazos públicos, que na súas casas.
Está a favor dos pactos para conformar un Goberno estable?
Estou a favor dos acordos cando serven para mellorar a vida da cidadanía. Creo que a política require capacidade para atenderse e sempre desde o respecto e poñendo por diante o interese xeral.
Cales son as principais liñas do seu programa?
Sempre defendín a accesibilidade, a mobilidade, mellorar os servizos públicos, apostar pola economía local, o deporte, a cultura, por un Concello próximo e que resolva problemas.
Cales considera que son as principais necesidades no seu concello?
A vivenda é un dos grandes retos, igual que seguir xerando oportunidades laborais e continuar mellorando infraestruturas. Pero para seguir co crecemento de Burela necesitamos que se poida vivir nela. Pero xa non so en Burela senón en toda a comarca en xeral.
De que proxectos se sente máis orgullosa?
Vénseme a cabeza a relación de postos de traballo. Sinto me moi orgullosa dese traballo colectivo que se fixo de vinte anos. Tamén da integración da unidade de drogodependencias ao Sergas, e temos que seguir en esa liña con atención temperá. Síntome orgullosa da inversión de outras administracións en Burela, como Costas do Estado, coa mellora na accesibilidade das praias, ou a inversión importantísima para a nova Edar.
Tamén estou moi orgullosa dos proxectos que fixemos na recuperación de espazos públicos. A accesibilidade para min é moi importante e conseguir que as persoas podan vivir na rúa, e pasear pola rúa con comodidade. E todos os proxectos que teñen que ver con iso, con parques accesibles, prazas, espazos, beirarrúas, cruces... O plan de mobilidade, para min, foi moi importante.
Aínda nos queda moitísimo por facer, pero está transformando Burela. Esa realidade, encántame. É un proxecto que desfruto moitísimo. Vendo todos os recunchos, e convertendo algúns espazos en zonas peonís, sendas verdes, facilitar a vida aos comercios, con esas paradas como ás das farmacias, estudar os carga e descarga e onde se poden colocar e os horarios, aparcamentos disuasorios ... Para min é un traballo moi estimulante.
Que lle gustaría que os veciños visen en vostede como alcaldesa?
Que son unha persoa próxima, traballadora e accesible. Que me poden falar pola rúa igual que no despacho, que sempre vou intentar darlles solucións sempre que existan.
Como é a súa relación coa oposición?
Diría que canda un entende a política da súa maneira. Eu prefiro dedicar o tempo a resolver problemas antes que a crear polémicas.
EN CLAVE PERSOAL
- Idade, estado civil e familiar
44 anos, casada e nai de 2 fillos de 14 e 17 anos. - Profesión e formación
Estudei informática pero traballei sempre na administración de empresas. - E se non fora alcaldesa que che gustaría ser?
Gustaríame ser promotora de proxectos que transformen o territorio. - Que quería ser de maior?
Quería ser mestra. - Que fai para desconectar?
Saio polo paseo marítimo e polo monte a camiñar e correr. - Unha virtude e un defecto.
Son moi positiva, e como defecto bastante auto existente, e tamén un pelín impuntual. - Un consello para compartir.
Escoitar moito más do que falas. - Un libro.
Estou lendo ‘Ciudad clickbait’ de Vicet Molins. - Unha película.
La Vida es bella. - Un grupo de música.
Baiuca. - Unha afección.
Viaxar. - Un lugar que visitar.
Cabo Verde. - Unha comida e unha bebida.
Bonito de Burela e un viño da Ribeira Sacra. - Unha personaxe admirada.
Nelson Mandela. - Unha posesión prezada.
Fotos antigas da miña familia, - Un desexo.
Que os meus fillos medren nun mundo un pouco mellor. - Algo para esquecer.
Todas as inxustizas que se ven nos telexornais todos os días. - Que é o que máis valora nunha persoa?
Que sexan honestos. - Como equilibra a vida pública e a privada?
Intento aproveitar ao máximo cada momento. - Usa redes sociais e Whatsapp?
Si, son ferramentas de traballo moi útiles. - Un desafío pendente.
Conseguir que máis xente nova poida desenvolver o seu proxecto de vida aquí. - Onde se ve en cinco anos?
Véxome en Burela e sendo alcaldesa, e traballando coa mesma ilusión e a mesma responsabilidade..