A voz dos alcaldes: Raúl Soto, futuro rexedor de Nogueira de Ramuin
Raúl Soto chegará á alcaldía de Nogueira de Ramuin a finais do ano 2026 tras a renuncia de Julio Carlos Temes á fronte deste Concello de 2074 habitantes, situado só a 17 quilómetros da cidade de Ourense. Veciño de Luintra, o novo rexedor chegará a alcaldía con ilusión por mellorar a calidade de vida da súa veciñanza, especialmente dos seus maiores e coa misión de promover novas oportunidades á xuventude.
Podería explicarnos un pouco como comezou na política e como se vinculou ao seu partido?
No ano 1999, fai 27 anos exactamente. Naquel momento o candidato a alcaldía, Jose Eugenio Galindo, nun momento electoral pediume que o acompañase. Eu sempre estiven tirando polo meu pobo, quería organizar todo tipo de actividades ben culturais e deportivas. No ano 2003-2007 tomei a decisión de parar pero, desde o ano 2007 ata hoxe, acompañei a Cesar Parente e Julio Carlos Temes.
Como deu o salto ou recibiu o impulso para ser alcalde?
Estamos nun momento de transición, xa que Temes, por diversos motivos deixa o cargo. É unha persoa que ao final traballou moito por Nogueira de Ramuin. No último ano pediume axuda á hora de asumir o cargo, e aquí estou.
Que sacrificios supón formar parte do Goberno do Concello a nivel persoal?
Supón moitos sacrificios, sobre todo de horas. Eu levo 24 anos de concelleiro de Turismo, Cultura e Deportes . É un concello moi pequeno e tes que estar sempre pendente. Supón moitos sacrificios, deixas actividades que realizabas antes de lado e perdes moito tempo coa familia.
E beneficios?
Quedar reconfortado a nivel persoal polas cousas que fas. Ao final, cando ves que o esforzo ten recompensa despois de moito traballo e dedicación, é unha sensación moi alentadora.
Como equilibra a vida pública e a privada?
Pois con organización, orde e moitas horas. Eu teño a sorte de contar con concelleiros e técnicos no Concello que me axudan moito e me dan moita liberdade, non teño tanta dependencia a nivel de traballo. En canto á familia, intentas organizarte, e pasar o maior tempo posible na casa con eles ou implicandos nas miñas actividades.
Cales son os seus obxectivos a nivel político?
Ser unha ferramenta útil para a nosa comunidade, axudando a que a nosa veciñanza medre significativamente tanto en calidade de vida como en oportunidades de desenvolvemento e benestar.
E se renova na Alcaldía, cales son as principais actuacións previstas?
Urbanización de vivendas en Luintra. Aldeas mais seguras e amables. Marca Nogueira de Ramuin.
Cales son as principais liñas do seu programa?
A nosa xestión centraranse en potenciar os seguintes puntos claves:
- Infraestruturas e Servizos Básicos: é prioritario mellorar e modernizar as nosas infraestruturas. Isto é esencial para facilitar o acceso aos servizos básicos e para crear un marco que fomente novas oportunidades de negocio e de vida.
- Educación e Formación no Rural: fomentaremos a educación e a formación adaptada ás necesidades do noso rural. Buscamos mellorar as habilidades e capacidades da poboación, preparándoa para os retos e cambios do mundo actual.
- Desenvolvemento Económico Sostible: promoveremos un desenvolvemento económico sostible e intelixente, baseado na diversificación das actividades produtivas e na xeración de emprego estable e de calidade no Concello.
- Participación Cidadá Activa: a comunidade debe ser o centro das decisións. Involucraremos activamente á veciñanza na toma de decisións e na implementación dos proxectos de desenvolvemento local.
- Empoderamento Comunitario: fortaleceremos a capacidade da propia comunidade para xestionar, manter e soster os resultados dos proxectos de desenvolvemento, garantindo a súa continuidade e o seu éxito a longo prazo.
Cales considera que son as principais necesidades do seu municipio?
O principal é intentar frear a perda de poboación, que Nogueira de Ramuin empece a sumar en positivo na parte demográfica, que os nosos maiores teñan a atención de calidade que se merecen pola que loitaron. Neste sentido estou intentando mellorar a atención e o soporte que lles damos a estas persoas, creo que pódese facer mellor. As tecnoloxías avanzaron moito e creo que hai que usalas para saber en todo momento como se atopan os nosos maiores, especialmente os que están sós. Temos que conseguir asentar a xuventude no noso Concello a través de plans de vivienda e traballo estable.
Ten algún/s proxecto/s do que se sinta máis orgulloso?
Marca Nogueira de Ramuin.
Que lle gustaría que os veciños visen en vostede como alcalde?
Alguén cercano que loita para un futuro mellor para o noso Concello.
Como é a súa relación coa oposición?
A niña relación coa oposición ten que ser de colaboración reciproca, son parte do meu concello pero con distinta visión, considero que a sua partición vai a ser importante.
EN CLAVE PERSOAL
Idade
53 anos
Estado civil
Casado
Formación
Grao Educación Infantil
Profesión
Funcionario
Se non tivese o seu posto, que lle gustaría ser?
Xestor deportivo
Que quería ser de maior?
Alcalde do meu Concello
Que fai para desconectar?
Ler e xogar ás cartas e o dominó
Unha virtude
Ganas de axudar
Un defecto
Ansiedade
Un consello para compartir
Sé feliz e axuda a que os que te rodean tamén o sexan
Unha afección
Fútbol
Un lugar que visitar
Nogueira de Ramuin
Unha comida
Tortilla de patacas
Unha bebida
Auga
Unha persoa admirada
Meus pais
Unha posesión prezada
A miña muller e meus fillos
Un desexo
Saúde
Algo para esquecer
Tres días moi difíciles a nivel familiar
Que é o que máis valora nunha persoa?
Sinceridade
Un desafío pendente
Que Nogueira de Ramuin sexa un Concello
Onde se ve en cinco anos?
Traballando polo meu Concello