Activo un incendio forestal en Boborás que afecta a unhas 20 hectáreas na parroquia de Moreiras
A Consellería do Medio Rural informa dun incendio forestal activo no concello ourensán de Boborás, na parroquia de Moreiras, iniciado ás 21.55 horas da noite do sábado.
Segundo as últimas estimacións provisionais, o lume afecta a unha superficie duns 20 hectáreas. Para o seu control e extinción mobilizáronse medios terrestres e aéreos, incluíndo persoal técnico, axentes, brigadas, motobombas, unidades de apoio e medios aéreos.
En concreto, participan no operativo 2 técnicos, 4 axentes, 8 brigadas, 5 motobombas, 2 unidades técnicas de apoio, así como 4 helicópteros e 4 avións.
A Consellería lembra que está dispoñible o teléfono gratuíto 085 para comunicar calquera incendio forestal, así como o 900 815 085 para denuncias anónimas relacionadas con posibles actividades incendiarias. Ademais, a información actualizada sobre incendios de máis de 20 hectáreas pode consultarse na conta oficial de X (@incendios085).