Baleira celebra unha festa de Entroido infantil
GaliciaXa
O Concello de Baleira celebra unha festa de Entroido infantil o vindeiro martes 21 de febreriro dende ás 17.00
![Festa infantil baleira portada](https://galiciaxa.com/wp-content/uploads/2023/02/Festa-infantil-baleira-portada.jpg)
Festa infantil baleira portada
17 Feb 2023
O Concello de Baleira e a asociación cultural Camiño Primitivo de Baleira organizan unha gran festa de Entroido infantil o vindeiro martes 21 de febreiro.
A festa terá lugar no Polideportivo do CEIP do Cádavo e dará comezo ás 17.00 coa animación musical de Adolfo Valiño e da Asociación Cultural Toxo Queimado.
A tarde contará tamén con xogos de maxia a cargo do mago Nacho Samena e con colchonetas e xogos para os máis pequenos.
Haberá unha merenda para todos os asistentes con melindres típicos de entroido e un agasallo para todos os nenos que vaian disfrazados.
Ás 20.00 celebrarase o sorteo dunha cesta de Entroido valorada en 100 euros.
![Festa infantil baleira](https://galiciaxa.com/wp-content/uploads/thumbs/2023/02/Festa-infantil-baleira-200x282.jpg)