Galicia publica os festivos locais de 2027 dos 313 concellos
O Diario Oficial de Galicia (DOG) publicou este luns a resolución da Secretaría Xeral de Emprego e Relacións Laborais na que se recollen as dúas festas locais que corresponden a cada un dos 313 municipios galegos para o ano 2027.
O 16 de agosto, día de San Roque, volve ser unha das datas máis escollidas, con preto de corenta localidades que a incorporan ao seu calendario festivo. Entre elas está Santiago de Compostela, que tamén celebrará como festivo local o 6 de maio, xoves da Ascensión.
Na Coruña, os días seleccionados serán o 9 de febreiro, Martes de Entroido, e o 24 de xuño, día de San Xoán. Ferrol, pola súa banda, festexará o 7 de xaneiro, San Xiao, e o 29 de marzo, día da Nosa Señora de Chamorro.
Vigo tamén fixou o 29 de marzo, luns posterior á celebración da Reconquista, como unha das súas xornadas festivas, á que se suma o 16 de agosto. No caso de Pontevedra, os festivos serán o 10 de febreiro, Mércores de Cinza, e o 29 de marzo, San Cibrán.
As datas elixidas por Ourense son o 9 de febreiro e o 11 de novembro, día de San Martiño. Lugo, pola súa parte, terá como festivos locais o 9 de febreiro e o 5 de outubro, coincidindo coa celebración de San Froilán.
A relación completa das festas locais dos 313 concellos galegos para 2027 pode consultarse nesta ligazón.