O Iecha organiza unha charla sobre Carballo Calero
O Instituto de Estudos Chairegos, continuando coa programación cultural prevista para este ano 2021, organiza o venres 16 de abril, ás 20:00 horas, na Casa da Cultura de Vilalba, unha conferencia a cargo de Marcos Saavendra, responsable da Biblioteca Municipal de Vilalba, e que leva por título: Ricardo Carvalho Calero e o galego que poderia ter sido, e há de ser! Presentará ao conferenciante a presidenta do Iescha, Marisa Barreiro.
Este acto estaba previsto para o mes de maio do pasado ano, coincidindo co Día das Letras Galegas 2020 e dedicado ao autor ferrolán, pero, debido ás restricións sanitarias derivadas da pandemia, tivo que ser adiado.
Marcos Saavedra Blanco (Ribadeo, 1982) é actualmente o responsable da biblioteca municipal de Vilalba. Formado en Información e Documentación pola UDC está especializado en Documentación Audiovisual pola Universitat Oberta de Catalunya.
Traballou nas bibliotecas de Ferrol, A Coruña e Ribadeo onde sempre colaborou con o tecido asociativo local, colaborando no que podía e publicando varios traballos.
