O Iescha organiza unha mesa redonda sobre o desmantelamento do rural
O Instituto de Estudos Chairegos, Iescha, organiza a mesa redonda O desmantelamento do rural coa que quere unirse á reivindicación da veciñanza de Baamonde de que continúe o alumnado as clases no Colexio desa localidade, fronte ao intento de pechalo por parte do Concello de Begonte e máis da Xunta de Galicia.
O acto terá lugar o xoves 29 de abril de 2021, ás 20 horas, na Casa da Cultura e nela intervirán Paula Iglesia Ares, secretaria da ANPA do Colexio de Baamonde e portavoz deste colectivo; Isabel Calvete Carrera, presidenta da Federación de ANPAS de centros de Ensino Público da provincia de Lugo (FAPACEL) e vicepresidenta da Confenderación Galega de ANPAS; e Xosé Luís González Farelo, presidente da Asociación de Veciños/as de Baamonde.
A entrada será libre ata completar aforo, cumpríndose estrictamente a normativa anti-covid, demostrando unha vez máis que A cultura é segura.
