O venres comeza o Facela Fest
O festival de música alternativa, celebrado en Lugo, xunta a numerosos artistas en dous días cheos de música e bo ambiente, para disfrutar dunhas xornadas de ocio e de lecer.
Dará comezo o venres 27 e seguirá o sábado 28 de agosto no exterior do auditorio Gustavo Freire. Así mesmo, a cita musical contará con artistas de alto nivel que levarán a cabo actuacións únicas e irrepetibles. Algúns dos nomes dos artistas que participan son Chucho, un grupo español de indie rock que naceu despois da desaparición do grupo Surfin' Bichos, Soleá Morente, cantante que combina a herdanza da cultura flamenca da familia Morente con influencias de pop rock ou incluso de rock alternativo, Mujeres, Parquesvr, Menta e Pelazo, entre outros.
Unha cita de música alternativa en Lugo que naceu fai cinco anos e que xunta un compendio de grupos locais, bandas que están crecendo e grupos consagrados, nun espazo no que se poderán levar a cabo todas as medidas sanitarias.
Así mesmo, dende a organización apóstase pola diferenciación e a calidade, onde prima a cultura por enriba de todo. Por esta razón o que se busca é un festival diferente, novo, orixinal e sorprendente no que, ademais de disfrutar de grupos máis coñecidos no panorama nacional, poidas descubrir o talento e a valía de artistas e grupos de creación recente con moito que aportar.
