Paula Prado pide aos equipos do PP de Sarria un esforzo para impulsar o cambio político en España
A secretaria xeral do PPdeG, Paula Prado, puxo en valor os equipos do partido na comarca de Sarria e pediulles un esforzo adicional para contribuír ao que cualificou como o "cambio necesario" en España.
Prado participou nunha reunión de traballo con alcaldes e portavoces da zona de Sarria, xunto ao candidato ao Congreso pola provincia de Lugo, Francisco Conde, e á presidenta do PP local, Carmen José López.
Durante o encontro, a número dous dos populares galegos e directora da campaña do PPdeG para as eleccións xerais do próximo 29 de novembro definiu os representantes populares da comarca como un "gran equipo" e reclamoulles un "plus de esforzo" ante o reto electoral.
Prado destacou o traballo diario que desenvolven alcaldes e portavoces sobre o terreo e incidiu na importancia da súa implicación para que Galicia se converta no "motor do cambio necesario" en España. O obxectivo dos populares é que Alberto Núñez Feijóo sexa o próximo presidente do Goberno central.