Actualidade | Cultura

A Concellería de Xuventude de Pontevedra lanza unha ampla programación de verán gratuíta para a mocidade, con campamentos urbanos, obradoiros culturais e actividades ao aire libre entre xuño e agosto de 2025.

A mocidade de Pontevedra xa pode preparar o verán grazas á nova programación da Concellería de Xuventude. Todas as actividades son de balde e están pensadas preferentemente para mozas e mozos do municipio, ás que se poderán sumar persoas doutros concellos se quedan prazas vacantes.

As inscricións realízanse a través de formularios en liña dispoñibles dende o 2 de xuño. Unha vez cubertas as prazas, abrirase lista de agarda. A inscrición formalizarase tras confirmar praza e achegar a documentación.

A oferta inclúe:

CAMPAMENTOS URBANOS

• Xogando coa música (8-12 anos): 30 xuño - 4 xullo
• Saborea o verán! (13-14 anos): 7-10 xullo
• Reliquias botánicas (8-12 anos): 14-18 xullo
• Ecoexplorando en Monte Porreiro (8-12 anos): 14-18 xullo
• Teatreirxs, Edición Castelao (8-12 anos): 21-28 xullo
• Minicampamento Regreso á Prehistoria (11-14 anos): 29-31 xullo

OBRADOIROS CULTURAIS E ARTÍSTICOS

• Cociña de aquí e de alá (14-25 anos): 30 xuño - 4 xullo
• Pintura e mural colectivo (14-25 anos): 7-18 xullo
• A fábrica de singles (13-14 anos): 14-18 xullo

NATUREZA, DEPORTE E AIRE LIBRE

• Piragüismo Ponte Sampaio (9-15 anos): 1ª e 2ª quincena de xullo
• Dendrocronoloxía (desde 8 anos): 5 xullo
• Xogo tras os pasos de Castelao (desde 5 anos): 2 agosto
• Caiac e paddle surf polo Lérez (16-25 anos): 2 agosto
• Observación astronómica en Cotobade (18-25 anos): 2 agosto
• Astronomía no Verdugo (desde 10 anos): 22 agosto
• Orientación na Illa do Covo (todos os públicos): 23 agosto
• Noite Europea dos Morcegos (desde 8 anos): 30 agosto

AULA DE INFORMÁTICA (na Casa Azul)

• Libre Office (14-25 anos): 1-31 xullo
• Internet sen Google (14-25 anos): 5-28 agosto