Rexístranse 1.461 filmes inscritos na Semana de Cine de Lugo
Un total de 1.461 películas, entre curtametraxes e longametraxes, foron inscritas para a XLVIII Semana de Cine de Lugo, que se celebrará entre o 21 e o 26 de setembro, organizada por Fonmiñá e na que colaboran o Concello de Lugo, a Deputación Provincial de Lugo, a Xunta de Galicia, a UNED e a Universidade de Santiago de Compostela, nunha edición que volve situar o certame como unha das citas audiovisuais máis destacadas do calendario cultural galego.
A organización pechou o prazo de admisión de filmes o pasado 15 de maio e confirmou unha participación que supera as mil catrocentas obras, cunha ampla diversidade de procedencias e canles de envío.
En total, 1.316 películas chegaron a través da plataforma Festhome, 57 foron presentadas mediante Click For Festival, 25 foron remitidas por distribuidoras e 63 incorporáronse de maneira independente, configurando así unha selección inicial de gran volume e variedade para o proceso de preselección do festival.