Adega Lugo desenvolverá hoxe pola tarde unha nova mesa de debate dentro do ciclo ‘Que cidade queremos?’. Será ás 19.30 horas, vía telemática, e baixo o título ‘Urbanismo e calidade de vida’.
No debate intervirán Tareixa Táboas, Santiago Catalán e Xosé Anxo Carreira. O moderador será o secretario xeral de Adega, Froilán Pallín.
O encontro poderá seguirse a través da páxina web de Adega e na súa canle de Youtube, e ademais poderase participar en directo a través do chat da plataforma da asociación ecoloxista.