Os traballos están a piques de rematar
O Concello do Páramo está a executar obras de acondicionamento na vía de acceso ao núcleo de Gondrame. Os traballos contan cun orzamento de 52.000 euros con cargo ao Plan Único de 2020.
A actuación que se está a levar a cabo, e que se prevé rematar nos vindeiros días, suporá a mellora do pavimento do vial municipal mediante a aplicación de aglomerado en quente, así como o pintado de nova sinalización horizontal.
O Concello do Páramo traballa tamén na mellora doutros camiños municipais e accesos a núcleos rurais, como acontece en Santandrea.
