O campamento de verán de Barreiros ofrece, durante quince días, unha diversidade de actividades educativas e lúdico-deportivas que farán que goces dunhas mañás moi entretidas e divertidas: talleres de música, robótica, xogos tradicionais e populares, xinkanas, xornada de reciclaxe, xogos cooperativos e con paracaídas, olimpiadas deportivas, xogos de pistas e busca, experimentos científicos, etc.
Está dirixido a persoas nadas entre 2009 e 2017, inclusive e desenvolverase durante os meses de xullo e agosto de 2021, en quendas de 15 días de luns a venres, de 9:30 a 13:30 horas.
As quendas nas que te podes inscribir son do a quenda 1 do 5 ao 16 de xullo do 2021, a 2 do 19 ao 30 de xullo do 2021; a 3 do 2 ao 13 de agosto do 2021 e a 4 do 16 ao 27 de agosto do 2021.
Haberá 24 prazas por quenda e o custo de cada unha é de 20 euros. Celebrarase no pavillón Polideportivo Municipal de Barreiros ademais de que algunha actividade poderá facerse uso doutros espazos ou instalacións en función das actividades, previo aviso ás familias.
O prazo de inscricións é do 22 ao 25 de xuño e o das vacantes: do 29 e 30 de xuño.
