O Garaxe de Sarria volve acoller un obradoiro de lettering pero, desta vez, dirixido aos máis pequenos. O evento realizarase o vindeiro sábado 19 de xuño de 10:30 a 13:30 horas para nenos e nenas de 8 a 12 anos.
O obradoiro estará impartido de novo por Estefanía, creadora de @ limonada_ feito_a_ man, unha apaixoada das manualidades, de reutilizar e decorar obxectos para darlles unha segunda vida.
A inscrición son 40€, con todos os materiais incluídos; ademais de poder levalos a casa trala actividade.
Para reservar praza pódese ir presencialmente ao espazo do Garaxe, na avenida Becerreá 20-22; por correo ogaraxesarria@gmail.com ou chamando ao 982530086. Hai prazas limitadas.
