Continúa a segunda edición das Ruadas da Banda municipal de música, que volven achegar as distintas agrupacións da banda ás prazas da cidade para animar o ambiente da cidade durante o verán.
As Ruadas da Banda municipal de música celebraranse no día de hoxe, mércores 7, onde o grupo de saxos tocará na rúa San Marcos, e o xoves 8 onde o grupo de metais estará na praza de Armañá.
A continuación, o día 13, o grupo de saxos situarase na rúa da Raíña; ao día seguinte, o grupo de metais repetirá na praza de Ferrol, e o xoves 15 a praza da Milagrosa contará co grupo de clarinetes.
Na última semana das Ruadas, o grupo de metais situarase o martes 20 na praza de Maior, o mércores 21, o grupo de clarinetes actuará en Bispo Aguirre, e o xoves 22, as Ruadas rematarán co grupo de saxos en Campo Castelo. Todas as audicións terán lugar ás 12 horas e buscarán amenizar a xornada a través da música dos diferentes grupos de instrumentos.
