A Xunta aprobou axudas que suman preto de 687.300 euros para impulsar obras de mellora en oito polígonos industriais de Lugo.
A resolución da orde de achegas dirixidas a concellos para modernizar as infraestruturas dos parques empresariais beneficiará aos municipios de Cervo, O Saviñao, Monforte de Lemos, Chantada, Begonte, Monterroso, A Pontenova e Rábade, onde grazas a estas axudas prevese unha mobilización final nos proxectos de 1,1 millóns de euros.
Así se conceden 120.000 euros para o acondicionamento e ampliación dun camiño público no parque industrial do Reboredo (Monforte de Lemos) e igual contía para ampliar a EDAR da área Acivros (Chantada).
No Saviñao investiranse 40.900 euros para actuar nos accesos ao parque do Peago.
As axudas poden alcanzar ata o 80% do importe dos proxectos cun límite de 120.000 euros para solicitudes individuais. Entre outros criterios, valórase de xeito especial que os solicitantes sexan Concellos Emprendedores.
