O barco museo Reina del Carmen, en Burela, que un ano máis conseguiu o distintivo de bandeira azul, izou onte a bandeira. Coincidindo coa fin de semana na que a vila rende homenaxe á Feira do Bonito tivo lugar este acto. O antigo boniteiro, o Reina del Carmen, é un símbolo ademais de testemuña dos homes do mar.
Durante toda a fin de semana seguen as xornadas gastronómicas dedicadas ao bonito en preto de 20 locais hostaleiros de Burela. E no muro do peirao xa se poden as creacións dos 8 artistas que neste 2021 participan en Amarte, o Certame Internacional de Pintura Mural.
