A portavoz municipal de Cs, Olga Louzao, denunciou esta mañá o abandono no que se atopa o carril dos Miñóns, situado nas inmediacións da rúa Curros Enríquez.
“Trátase dunha vía sometida a unha marxinación histórica que actualmente se atopa nun estado deplorable. Chámanos poderosamente a atención como esta emblemática rúa do barrio da Milagrosa foi esquecida a pesar de atoparse pegada a unha zona de novo desenvolvemento, oportunidade que se podía aproveitar para pavimentar, sinalizar e iluminar de forma eficiente. Con todo parece que sobre o interese xeral priman os intereses duns poucos. É o tipo de actitude á que nos teñen afeitos os gobernos do PSOE en Lugo”, asegurou a concelleira da formación laranxa.
“A situación na que se atopa carril dous Miñóns exemplifica perfectamente a situación de moitos espazos da cidade: non se mantén as infraestruturas básicas ata que zonas cun potencial incrible son abandonadas por completo e a rehabilitación faise complicada. Xéranse problemas de marxinalidade, convivencia e en moitas zonas tamén de salubridade. Isto sucede tanto nos barrios, como tamén na zona centro. Rúa Nova, Recatelo, O Carme, Pai Feijoo ou este caso da Milagrosa son algúns dos exemplos máis evidentes. É necesario crear un proxecto de cidade que aposte pola rehabilitación. Non existe nada máis resiliente e ecolóxico que rehabilitar, pero o alcaldesa prefire gastar o diñeiro en proxectos como o edificio Impulso Verde”, sinalou a edila.
Louzao criticou a “falta de interese” mostrada polo Goberno local en atender este espazo e demandou unha actuación integral que inclúa a ordenación do aparcamento, o pintado e asfaltado da rúa que se atopa actualmente en saburra. “Trátase de actuacións básicas que mellorarán o barrio en xeral, permitirán aos veciños da zona contar cun servizos decentes á altura do resto de residentes de zonas lindeiras e incentivarán a iniciativa privada para dinamizar o mercado inmobiliario nunha zona con moito potencial debido ás casas individuais con parcela en pleno centro urbano que caracterizan esta zona”, concluíu Louzao.
