Os nenos e nenas lucenses que acudiron na xornada de onte ao local da asociación de veciños, comerciantes e industriais distrito da Milagrosa recibiron xoguetes para celebrar estas datas. Esta iniciativa enmarcada na Operación Xoguete trala Operación Quilo, pretende axudar as familias con menos recursos.
O pasado 28 de decembro fixeron entrega dos alimentos recadados nos diferentes supermercados da cidade que colaboraron facilitando un espazo onde os veciños puideran depositar os seus donativos.
No día de onte, a concelleira e deputada Ana González Abelleira xunto con voluntarios da entidade encargáronse de repartir os xoguetes ás familias e nenos que así o solicitaron.
Nesta campaña colaboraron a Confederación de Empresarios de Lugo (CEL) e o colexio Galén ambos encargáronse de fomentar a solidariedade entre os lucenses para recadar os máximos alimentos, roupa e xoguetes posibles.
Esta 30 edición da campaña tiña como fin axudar as persoas e familias necesitadas.
