Skip to main content
Lugo

O atrio da Catedral de Lugo está a ser restaurado para mellorar a súa accesibilidade

Por 18 Xaneiro, 2022Sin comentarios

O atrio da Catedral de Lugo comezou o luns 17 de xaneiro as obras para mellorar a accesibilidade ás persoas con mobilidade reducida que precisen de cadeira de rodas ou outros aparellos de apoio.

Para acceder á basílica, na actualidade, os cidadáns teñen que superar o chan cheo de ocos, irregularidades e fochancas que supoñen un risco para os veciños e visitantes da catedral.

Os traballos contan cunha achega da Deputación provincial e estanse a levar a cabo baixo supervisión arqueolóxica xa que esta zona conta cun gran valor no subsolo, por un lado está a Domus do Mitreo, e por outro, restos arqueolóxicos de diferentes épocas.

O máis probable é que se interveña en toda a superficie restaurando as pedras en mal estado e recolocándoas, xa que é un dos poucos pavimentos artesanais que sobreviven na cidade.

Co paso dos anos, o atrio sufriu algúns arranxos. Porén, ningún de gran relevancia e por iso, se conserva a esencia tal e como o construiu Ferro Caaveiro no século XVIII.