O Concello da Pastoriza deu comezo ás obras na rúa José Yáñez García e que consistirán na renovación dos servizos e a construción de beirarrúas.
Os traballos levaranse a cabo en 70 metros de rúa e consistirán no cambio da rede de servizos de abastemento de auga, telefonía, alumeado público e rede separativa de augas pluviais e fecais.
Estas obras teñen un orzamento de 60.000 euros e están con cargo ao Plan Único do ano pasado.
Ademais, no Concello continúase traballando nos labores de roza e limpeza, nestes últimos días en Fonmiñá, Loboso e Baltar.
