As persoas maiores de idade do Concello de Láncara poderán desfrutar de máis de 150 cursos online de formación con diversas temáticas. Esta iniciativa nace a través dun convenio co Ministerio de Educación e Formación Profesional que permite poñer en marcha a Aula Mentor.
O convenio foi firmado fai uns meses, este aula mentor, que está localizada na biblioteca da Pobra de San Xiao é a primeira destas características da Comarca de Sarria. Nas instalacións, o alumnado realizará a matrícula aos cursos e os exames presenciais, xa que a formación é de carácter online a través dunha plataforma do Ministerio de Educación. Tamén poderán facer uso dos cinco ordenadores cos que conta a biblioteca.
Entre a oferta desta aula tamén hai opcións máis específicas como a certificación Cisco, formación do profesorado e cursos abertos, este tipo de obradoiros teñen periodos de matrícula específica mentres que os demais poden realizarse durante todo o ano, excepto no mes de agosto.
Outro punto a favor deste tipo de formación é que se pode paralizar por cuestións de saúde podendo continuar coa educación máis adiante.
O alumnado contará con dúas oportunidades para superar con éxito a proba avaliativa. Para iso, ao longo do ano haberá cinco convocatorias. Estas serán nos meses de febreiro, abril, xuño, outubro e decembro.
A superación da mesma outorgará ao alumno un certificado de aproveitamento emitido polo Ministerio de Educación, este non é un título oficial aínda que nalgunhas convocatorias de emprego poden puntuar.
Xa está aberto o prazo de inscrición, os interesados poden realizar a matrícula ou solicitar máis información na biblioteca ou chamado ao número de teléfono 982 543 066 ou a través do correo electrónico lancara@aulamentor.es
A matrícula terá un custe de 24 euros para os cursos de 30 horas, mentres que nos que son dunha duración maior a matrícula terá un prezo de 48 euros. A recarga por un mes será de 24 euros.