A atleta lucense Xela Martínez bateu récords a nivel nacional e persoal. A proba de 3.000 metros foi a encargada de outorgarlle o mérito á adolescente que ten 16 anos recen cumpridos.
O pasado fin de semana celebrouse o Campionato de España absoluto de pista cuberta en Ourense. Nesta competición Xela Martínez conseguiu un tempo de 9:14.96 mellorando así a súa marca persoal en 15 segundos, batendo a marca de España sub 20, sub18 e establecendo a terceira mellor marca europea de tódolos tempos sendo menor de 18 anos.
A lucense aproveitou a oportunidade de clasificarse por tempos xa que por posicións víao máis complicado. Desta forma, nas dúas primeiras voltas saíu tirando animada polos seus compañeiros do Atlética Lucense nas gradas. Mantivo o seu ritmo durante a carreira obtendo así a clasificación e a súa mellor marca, batendo récords.
Na carreira final, Xela acadou o posto número 12 cun tempo de 9:44.67.
