Un ano máis membros do colectivo filloeiro de Muimenta estarán presentes na XVIII edición da Festa da Filloa da Pedra de A Baña, que se celebrará a próxima fin de semana.
Ao longo do ano 2019 tiveron lugar varias xuntanzas entre as organizacións das diferentes Festas da Filloa que se celebran a Galicia. Asimesmo, tanto representantes das organizacións da Filloa de Lestedo como a de A Baña participaron activamente na inauguración da última Festa de Muimenta, celebrada, como sempre o primeiro de maio.
Por iso, dende a comisión da Moexmu aceptouse o convite para participar activamente o ano pasado na Festa da Filloa da Baña, elaborando filloas, nun intercambio que se levará a cabo entre ambas festas. Así, este ano volverá ter lugar o mesmo intercambio.
O programa que se levará a cabo nesa tarde, será unha “foliada filloeira” con grupos de música tradicional da comarca e con degustación das Filloas de Muimenta.
O domingo 27 de febreiro, o recinto onde se leva a cabo a Festa da Baña abrirá ás dez da mañá, con postos de venda de diferentes productos e unha serie de actividades entre as que fiugran a música para maiores e pequenos.
A primeira edición da Festa da Filloa da Baña celebrouse o 21/03/2004, onde xa se utilizaron as pedras de granito. No ano 2007 constituiuse a Asociación Filloas da Pedra, que actualmente conta con 25 socios e máis de cincuenta colaboradores. Habitualmente, celébrase o segundo fin de semana de marzo, anque este ano tivo que adiantar a súa celebración.
Acudirase ao Concello de A Baña, con carteis promocionais da Festa da Filloa de Muimenta.