O XXIX Certame Municipal de Teatro para centros de ensino de Monforte, convocado e organizado polo Concello de Monforte, a través da súa Concellería de Cultura, arrinca hoxe mércores 27 de abril ás 8 da tarde no salón de actos da Casa da Cultura Poeta Lois Pereiro.
A obra que se estreará mañá será “Los sueños de Cloti” a cargo do CEE Infanta Elena. A vindeira semana, será a quenda do Colexio Ferroviario, coa obra “A estatua”, que se representará o martes 29 abril, e do CEIP A Gándara, estreará a súa obra “O testamento do tío Nacho”, o venres 6 de maio.
Participantes no XXIX Certame Municipal de Teatro
No Certame representaranse 7 obras de teatro, entre o 27 de abril e o 12 de maio de 2022, a cargo dunha asociación convidada e 6 centros educativos.
Todas as pezas escenificaranse e seguindo a normativa sanitaria que haxa no momento da realización das representacións.
As obras e centros son os seguintes:
- CEE Infanta Elena, coa obra “Los sueños de Cloti”, o mércores 27 abril de 2022.
- Colexio Ferroviario, coa obra “A estatua”, que se representará o martes 29 abril de 2022.
- CEIP A Gándara, coa obra “O testamento do tío Nacho”, o venres 6 de maio de 2022.
- CEIP de Monforte, coa obra “Vida e cores”, o luns 9 maio de 2022.
- IES Río Cabe, coa obra “O soño do Novelo nunha noite de verán”, o martes 10 maio de 2022.
- IES A Pinguela, coa obra “A rateira”, o mércores 11 maio de 2022.
- Prodeme (asociación convidada), coa obra “Néboa no bigote”, o xoves 12 de maio.
Colaboración do Concello de Monforte co Certame
O Concello colabora cos centros de ensino participantes aportando material para a realización da obra por unha cantidade máxima de 100 euros.
Os premios consistirán na gravación en DVD das obras representadas que serán entregadas ós centros participantes, así como dun diploma acreditativo para cada un dos participantes.
A entrega de premios será no Salón de Actos da Casa da Cultura Poeta Lois Pereiro o 18 de maio ás 18:00 h.
