Os bosques galegos son berce de contos fantásticos con infinitos misterios. As Aceas non é a excepción e garda no seu interior secretos, como a Cova de Gaspar, onde segundo relatan os aldeáns refuxiouse un home con ese nome durante a Guerra Civil española para poder salvar a vida. Os sarriáns lembran As Aceas e a gruta como o lugar onde ían coas súas cuadrillas cando eran mozas para pasar as tardes de verán. Hoxe converteuse no roteiro máis visitado e preferida para camiñar, relaxarse e gozar da natureza.
O roteiro é circular conta cun percorrido de 7,9 quilómetros que se realizan aproximadamente en 2 horas e unha dificultade baixa.
Trátase dun sinxelo e atractivo roteiro, apta para familias, que vai a permitir coñecer os belos bosques e a bonita contorna que atesoura o río Sarria ao seu paso polo devandito pobo, nun percorrido curto e sen dificultades.
Iníciase o roteiro no Paseo do Malecón, na confluencia coa Rúa Calvo Sotelo,seguindo o curso do río Sarria.
Enseguida se atopa o cartel do roteiro e continuarase bordeando o río ata un cruzamento en que se desviarán cara ao interior para enlazar cun bonito camiño entre árbores.
De novo chégase ao río Sarria e xa se internan en fermosos bosques podendo contemplar presas, muíños, pasando en ocasións por zonas de escaleiras e pasarelas.
Ao chegar un punto haberá que cruzar o río por unha ponte de madeira e regresar polo outro lado, por un precioso carreiro con pasarelas ata unha fervenza, e seguir ata contactar de novo co Paseo do Malecón onde se iniciou o roteiro.
Este roteiro ten como protagonista ao río Sarria, tamén chamado Oribio, é un río da provincia de Lugo, en Galicia. É un afluente do río Neira e este, a súa vez, do río Miño. O río Sarria, topónimo que significa “corrente fluvial”, da seu nome ao concello, comarca e condado, a unha xurisdición, a un marquesado, a dos mosteiros, a un partido xudicial, a unha terra, a unha vila e varias parroquias.
Ten 57 quilómetros de lonxitude e ocupa unha superficie dee 309 km². Fórmase coas augas que descenden polos montes de Meda, Orbio e Abela. No Concello de Triacastela, e despois de atravesar o concello de Samos, entra a Sarria, deixa e fai de límite entre Páramo e Láncara, onde se une ao río Neira na vila de Pobra de San Xiao.
A cunca do río é moi ampla e ocupa, tódalas parroquias de Triacastela, a maior parte de Samos e Sarria, algunhas de Láncara, dúas do Páramo e unha pequena parte do Incio..
