O concelleiro de Cs Juan Vidal-Pardo denuncia problemas de convivencia na rúa do Álamo por varios inmobles nos que un grupo de conviventes perturban a vida na veciñanza.
“Os veciños alegan lumes en zonas exteriores a diario, problemas de seguridade, ameazas e contaminación acústica por ruído de festas que se alongan ata a primeira hora da mañá calquera día da semana. A situación é insostible, o problema alóngase desde fai máis e un ano. O pasado mes de febreiro denunciamos publicamente esta situación, a policía local realizou unha visita e a actitude dos moradores problemáticos remitiu temporalmente, pero nas últimas semanas a situación empeorou novamente, é necesario actuar”, relatou o edil da formación laranxa.
“Ao longo destes 3 últimos anos, tanto PSOE como BNG negaron a existencia de problemas derivados da Okupación ou da convivencia conflitiva. De feito tacháronnos de alarmistas cada vez que abordamos este asunto. Con todo, a realidade na rúa demostra que existe unha preocupación entre os veciños de moitos barrios como A Milagrosa, Sagrado Corazón, As Gándaras ou A Campiña por fenómenos como estes. Hai zonas na cidade nos que os seus veciños organizaron sistemas de alerta a través de Chat de whatsaap para evitar que entren nas vivendas. Pero non só trátase de okupación, existe os problemas de convivencia en determinados lugares ante os que a policía local, desgraciadamente, non está a lograr un éxito completo e perturba enormemente a harmonía veciñal”, sinalou o concelleiro da formación laranxa.
“É necesario que o Goberno local aborde esta situación deixando ao carón o rumbo ideolóxico que este problema esperta en partidos como o BNG. A ocupación está aí, os problemas de convivencia están aí, e hai que evitar que estes fenómenos resten calidade de vida ás zonas máis desfavorecidas da cidade. Instamos a Méndez e aos seus socios de goberno a que elaboren dunha vez un plan de convivencia tal e como expomos no pleno ao alrgo deste mandato. Esta ferramenta incluiría medidas de reforzo da seguridade e a vixilancia de inmobles abandonados susceptibles de ocupación ilegal e prevé a posta ao dispor dos propietarios afectados de servizos de asesoramento e orientación jurídicay un servizo de mediación. Todo iso constitúe un apoio aos veciños moi necesario para frontar estes problemas ante os que incomprensiblemente o PSOE e o BNG decidiron poñerse de lado”, proseguiu.
