As Escolas Vellas de Cervo acollen o venres 5 de agosto a inauguración da exposición A Queimada popular 40 anos de carteis, a cargo da asociación Airiños do Xunco.
Esta inauguración será ás 13.00 horas e poderase visitar durante todo o mes de agosto, en horario de 10.00 a 13.00 horas
Esta festa con máis de 40 anos de historia e tradición sempre vai da man dunha iconografía única que non deixa indiferente a ninguén. E cada cartel anunciador da festas da Queimada é unha obra de arte de Xosé Vizoso.
Durante este mes de agosto, poderase desfrutar de facer unha viaxe pola historia da Queimada a través dos carteis que a representaron, obra do talento deste artista con maiúsculas.
